Ya Kirdgaar tujh ko payambar ka waasta
ya zuljalal Haider (a.s.) e Safdar ka waasta
Ya rab ba dard e pehlu e zakhmi Fatima (s.a.)
Mohsin ka aur Hazrate Shabbar (a.s.) ka waasta
Mazloom o tashnakaam o jigar khasta e ghareeb
yani Husain (a.s.) kushtao khanjar ka waasta
Qasim ki Aun o Jafar o Abbas ki qasam
Akbar ka wasta Ali Asghar ka wasta
tha qaid be dawa o ghiza jo azeeze ghum
us aseer Abid e muztar ka wasta
rassi me jo bandha tujhe us haath ki qasam
balwe me jo khula tujhe us sar ka wasta
sadqa unhi labo ka jo be aab kushk the
jo aag se jala tujhe us ghar ka wasta
ruswai o malal o marz se gunah se
sab ko bachana tujh ko bahattar ka wasta
kar mustajab Shaukat nalaan ki ye dua
fariyaad aah Zainab o muztar ka wasta
No comments:
Post a Comment