AI KUL KE MADADGAR MADAD KARNE KO AAO, FARIYAD KO POHCHO

AI KUL KE MADADGAR MADAD KARNE KO AAO, FARIYAD KO POHCHO

YA HAIDARE KARAR (A.S.) MUSIBAT SE CHUDAO, FARIYAD KO POHCHO

1) ZAINAB (S.A.) WATAN AAWARAH KE YE BAIN THE HAR DUM, AI SAYYADE AKRAM

BAITHI HUN KHULE SIR MUJHE DAMAN MEIN CHUPAO, FARIYAD KO POHCHO

AI KUL KE MADADGAR ........

2) HUM BEKASON BE PAR HUE BHAI GAE MAARE, SADQE MAI TUMHARE

AADA SE KAHO BEWO KO DAR DAR NA PHIRAO, FARIYAD KO POHCHO

AI KUL KE MADADGAR.....

3) BIMAR PE HAI TAUQE SALASAL KI BHI BEDAAD, BEHOSH HAIN SAJJAD (A.S.)

HOSH AAE JO TUM AAN KE AAWAZ SUNA DO, FARIYAD KO POHCHO

AI KUL KE MADADGAR... .

4) BAQIR (A.S.) KA GALA GHUTTA HAI TANGIE RASAN SE,  FARIYAD HAI TUMSE

IS QAIDE SITAMGAR SE HAME AA KE CHUDAO, FARIYAD KO POHCHO

AI KUL KE MADADGAR......

5) SIR PE JO NAHI SAAYAE FARZAND E PAYAMBAR, HUM PHIRTE HAI DAR DAR

LILLAH HIMAYAT KARO AAFAT SE BACHAO, FARIYAD KO POHCHO

AI KUL KE MADADGAR.....

6) HAR BAAR YE KEHTI THI SAKINA (S.A.) JIGAR AFGAAR, YA HAIDARE KARRAR (A.S.)

BE DEENON KA NARGHA HAI HUMEIN

 AA KE BACHAO, FARIYAD KO POHCHO

7) DUR CHEEN LIYE SHIMR NE US KHASTA JIGAR KE, MAARE HAIN TAMACHE

A SHAHE NAJAF AA KE SAKINA (S.A.) KO BACHAO, FARIYAD KO POHCHO

AI KUL KE MADADGAR....

8) ABBAS (A.S.) NE PANI KE LIYE SHAANE KATAE, DARIYA KE KINARE

YA SAQIE KAUSAR MERI PIYAAS AA KE BUJHAO, FARIYAD KO POHCHO

AI KUL KE MADADGAR....

9) MEHRUM KOI AAP KE DAR SE MERE MAULA, PHIRTE NAHI DEKHA

UMMED KO PURA KARO MAT DER LAGAO, FARIYAD KO POHCHO

AI KUL KE MADADGAR....

Pukara dil se kisi ne jahaan jahaan Abbas (a.s.) lyrics

Pukara dil se kisi ne jahaan jahaan Abbas (a.s.)

Madad ke waaste pohche wahaan wahaan Abbas (a.s.)

Hai farq itna faqat karbala o khaibar mein

wo maarka tha Ali (a.s.) ka lade yahaan Abbas (a.s.)

Sakina (s.a.) bibi se bachche ye ro ke kehte the

Alam nazar nahi aata gae kahan Abbas (a.s.)

Husain (a.s.) waalon pe itne hain meharbaan Abbas (a.s.)

Jahan Husain (a.s.) kaha aa gae wahaan Abbas (a.s.)

Alam ke saae me kehte chalo Husain (a.s.) Husain (a.s.)

khuda ke fazl se hain meer e karwaan Abbas (a.s.)

Ali (a.s.) ke laal ka kya kehna hai bahut mazlum

salaam shiyon ka tum par gae jahaan Abbas (a.s.)

zahe naseeb teri manzilat ka kya kehna

rasul (s.a.w.w.) zaadiyan hain teri noha khwan Abbas (a.s.) 

Nishane Fauje Payambar Sajaya Jaata Hai... (Alam Sajate waqt) Lyrics

 Nishane fauje payambar sajaya jata hai

shababe shere khuda yaad aaya jaata hai

Ali (a.s.) ka laal alam le chuka baraadar se

Sakina (s.a.) bibi ka saqqa sajaaya jaata hai

Alam mein mashk bandhi sab ki bandh gai ummeed

k ab piyaason ko paani pilaaya jaata hai

Haram mein ghere hue hain nabi ki aal sabhi

abhi to Aankhon se parcham lagaaya jaata hai

Khuda kare ke vo khaime mein kaamyaab aaein

badi ummeedon se pardah uthaaya jaata hai

Hawaaein zard pharaire ko le udein ran se

abhi furaat ki lehron pe chaaya jaata hai

Ali (a.s.) ka chaand Ali (a.s.) ka nishaan kya kehna

tamaam dasht e bala jagmagaaya jaata hai

Wo sher ghaat pe aaya wo mashk leke chala

wo naizaa baazon ke narghe mein aaya jaata hai

Ghata jo zore tasawwar badha Sakina (s.a.) ka

nazar mein phool sa chehra samaaya jaata hai

simat ke aai hain faujein ke raasta na mile

Ali (a.s.) ke chand pe badal sa chaaya jata hai

Jise lahu se bhi apna azeez samjha tha

laga ke teer vo paani bahaya jaata hai

Ummed qata hui ab sambhal nahi sakte

nishane fauje wafa thar tharaya jaata hai

kata ke haath tarai me so gae Abbas (a.s.)

Alam Husain (a.s.) ka khaime mein laaya jaata hai

kuch aisi shaan se Akbar (a.s.) utha ke laaye hain

ke jis tarah se janaaza uthaaya jaata hai

vo saamne hai Alam ki shabeeh najm utho

wafa parasti ka manzar dikhaaya jaata hai

Salle Ala ya Mustafa (s.a.w.w), written by Late Janab Salman Azmi, recited by Hashmi Sisters

Salle Ala Salle Ala Salle Ala ya Mustafa (s.a.w.w.)

Ya Mustafa Ya Mustafa Salle Ala ya Mustafa (s.a.w.w.)

Kya shaan hai, kya martaba

Salle Ala ya Mustafa

Quran mein rabbe ula, Yaseen kehta hai kabhi

Yaseen kehta hai kabhi, Quran mein rabbe ula

Taaha kahin lauho qalam, mehboobe rab mera nabi

Quran hai, mehwe sana

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

Khaki tujhe kaise kahun, Quran mein jab hai likha

Quran mein jab hai likha, Khaki tujhe kaise kahun

takhleeqe awwal jab hui, noore Mohammad hai bana 

aur noor bhi, noore khuda

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

Ek abd ko maabud ne, milne ko jab bulwa liya

milne ko jab bulwa liya, Ek abd ko maabud ne

lamhon me un tehreer mein, meraj hai likha gaya

sidra pe thi, bas ek sada

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

tere gharane se mili, tauheed ko pehchaan hai

tauheed ko pehchaan hai, tere gharane se mili

mera nahi ye ba khuda, Allah ka farmaan hai

kyun na kahein, Akbar malak

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

mera aqeeda jab kahin, pucha gaya mujhse kabhi

pucha gaya mujhse kabhi, mera aqeeda jab kahin

maine kaha mera khuda, uska nabi uska wasi

aur aal ko, shaamil kiya

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

Salmaan mai kaise karu, auje nabi ka tazkira

auje nabi ka tazkira, Salmaan mai kaise karu

karte hai jab teri sana, saare malaik ambiya

hai madha khwaan, khud kibriya

Salle Ala, ya Mustafa (s.a.w.w.)

Salle Ala Salle Ala Salle Ala ya Mustafa (s.a.w.w.) -2

Kya shaan hai, kya martaba

Salle Ala ya Mustafa

Multaji - Munajat

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

Muddaton se ghum hi ghum hai zindagi ki raah me

hai faqat kaante hi kaante har khushi ki raah me

ghum se ghabrata hun maula waqt hai imdad ka

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

meri aahon mere naalon me asar baaqi nahi

dum ulajhta hai mera ye be kali jaati nahi

aap ki nazre inayat chahiye mushkil kusha

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

waaste me Mustafa (s.w.s.) ke ai shahe duldul sawar

daman e ummeed bhar do ai shahe aali wiqar

mangte hai bheek maula aap se shaho gada

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

waste mein Sayyada (s.a.) ke bheek de do ya Ali(a.s.)

ye dua hai ab khila do dil ki bs murda kali

daman e ummeed bhar do ai mere hajat rawa

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

Behre shahe karbala (a.s.) mujh ko sahara dijiye

chin gaya hai jo sukune dil dobara dijiye

be sahare ko sahara dijiye behre khuda

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

un kate haathon ka sadqa Hazrat e Abbas (a.s.) ka

Zainab (s.a.) e muztar ka sadqa aur Sakina (s.a.) ka shaha 

hal karo mushkil meri mushkil meri muskilkusha

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

hure janbaaze dilawar ki wila ka wasta 

jaan nisarane shaheede karbala ka wasta 

meri qismat ko bhi chamka dijiye shahe hua

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

wasta Zainuliba (a.s.) ka aur Baqir (a.s.) ka shaha

Akbar (a.s.) o Asghar (a.s.) ka sadqa ai shahe har dosra

is mareeze la dawa ko dijiye maula shifa

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

Jafar e Sadiq (a.s.) ka sadqa aur kazim (a.s.) ka shaha

ilteja main aap se karta hun ye behre khuda

mushkile aasan karo meri shahe khaibar kusha

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

Mehdi e deen (a.s.) ka tasadduq aaiye imdad ko

kab se chillata hai saael pahonchiye fariyad ko

hal ata ka wasta deta hun shahe la fatah

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

wasta Salman o Qambar ka shahe aali umam

aap ko sabro tahammul aur shujaat ki qasam

kaasae sahil ko bhar do aap hain behre sakha

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

ho dua khadim ki maqbul e ilahi ya Ali (a.s.)

dur ho Hasnain ke sadqe mein dil ki ye kali

laut kar jae na khali aap ke dar se gada

Multaji hun aap se mai ya Ali (a.s.) shere khuda

dur kr do meri mushkil ai mere mushkilkusha

Ya Fatema Abbas e dilawar ki qasam hai -Munajat lyrics

Ya Fatema (s.a.) Abbas (a.s.) e dilawar ki qasam hai

shashmahe mujahid Ali Asghar (a.s.) ki qasam hai

Ai binte nabi Qasim (a.s.) o Akbar (a.s.) ki qasam hai

Shabbeer (a.s.) ki aur Hazrat e Shabbar (a.s.) ki qasam hai

Masumae kaunain payambar(s.w.s.) ki qasam hai

mushkil meri hal ho tumhe Haider(a.s.) ki qasam hai

Mushkil me agar sahib e kashti ne pukara

grdab me bhi mil gaya hai usko sahara

har sahib e hajat pe hai ahsaan tumhara

meri bhi musibat ko karo dur khudara

Masumae kaunain payambar(s.w.s) ki qasam hai

mushkil meri hal ho tumhe Haider(a.s.) ki qasam hai

Haq ne tumhe bakhsha hai ajab rutbae Aali

Saael na phira dar se tumhare kabhi khali

aae hain farishte bhi sada ban ke sawali

nuqsaan mera hota hai ab jaani o maali

Masumae kaunain payambar(s.w.s) ki qasam hai

mushkil meri hal ho tumhe Haider(a.s.) ki qasam hai

Duniya ke masaib ne pareshaan kiya hai

fikron se meri ruh ko aazar laga hai

charkhe sitam ejaad ka vo teer laga hai

jis se dile majruh pareshaan hua hai

Masumae kaunain payambar(s.w.s) ki qasam hai

mushkil meri hal ho tumhe Haider(a.s.) ki qasam hai

Dil par jo guzarti  hai bhala kis ko sunaaun

dar chod ke mai aapka kis simt ko jaaun

waaqif ho mere haal se kya haal bataun

aap aaein madad  ko to amaan ranj se paaun

Masumae kaunain payambar(s.w.s) ki qasam hai

mushkil meri hal ho tumhe Haider(a.s.) ki qasam hai

Sadqe me nabi (s.w.s.) ke mujhe aafat se bacha lo

is daad o alam huron ko roze pe bula lo

talib hun madad ki mujhe roze pe bula lo

daste alam o ranj se ab mujh ko chuda lo

Masumae kaunain payambar(s.w.s) ki qasam hai

mushkil meri hal ho tumhe Haider(a.s.) ki qasam hai

Tufaan ki khatarnaak hawaaon se bachana - munajat lyrics

Tufaan ki khatarnaak hawaaon se bachana

Abbas(a.s.) Alamdar tabahi se bachana

Majhdar me kashti hai shaha paar lagana

Abbas(a.s.) Alamdaar tabahi se bachana

tum aale nabi (s.w.s) ho tumhi aulaade Ali (a.s.) ho ,

waliyo ke wali ho ,waliyo ke wali ho

kya baat gharane ki hai kya paak gharana

Abbas(a.s.) Alamdar tabahi se bachana

Majhdar me kashti hai shaha paar lagana

Abbas(a.s.) Alamdaar tabahi se bachana

Maujon ke thapedo ne pareshaan kiya hai ,

tufaan bapa hai ,tufaan bapa hai

Tum ko magar aasan hai kinare se lagana

Abbas(a.s.) Alamdar tabahi se bachana

Majhdar me kashti hai shaha paar lagana

Abbas(a.s.) Alamdaar tabahi se bachana

    Shabbir (a.s.) ke sookhe hue honto ka tasadduq ,

Bachon ka tasadduq ,bachon ka tasadduq

Abbas Alamdar madad krne ko aana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

kya naam me taaseer hai Abbas (a.s.) tumhare

 koi bhi pukare, koi bhi pukare

Baba ki qasam uski madad krne ko aana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

Ai sher e ghazanfar khalafe saaqiye kausar
Abbas (a.s.) e dilawar, Abbas (a.s.) e dilawar
ai shere sharar bar tum hi sab ko bachana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

ai shere ilahi ke pisar nayyare taaban 

Ai mehre durakhshan, ai mehre durakhshan

mahe bani Hashim tum hi hum sab ko bachana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

Hai dushmano ne dosto ko aap ke ghera

 jld aaiye maula, jld aaiye maula

tum ko bhut aasan hai hum sb ko bachana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

Kaafir bhi gaya aap ke dar se nahi Khali

Ai Sayyad o Aali Ai Sayyado Aali

Hum ko na dare paak se mehrum phirana

Abbas(a.s.) Alamdar tabahi se bachana
Majdhar me kashti hai shaha paar lagana
Abbas(a.s.) Alamdaar tabahi se bachana

haathon ko bhateeji pe fida kr diya tumne 

maula tere sadqe, maula tere sadqe

vo kaam kiya tumne ke shahid hai zamana

Abbas(a.s.) Alamdar tabahi se bachana
Majhdar me kashti hai shaha paar lagana
Abbas(a.s.) Alamdaar tabahi se bachana

Dua lyrics

Ya Kirdgaar tujh ko payambar ka waasta

ya zuljalal Haider (a.s.) e Safdar ka waasta

Ya rab ba dard e pehlu e zakhmi Fatima (s.a.)

Mohsin ka aur Hazrate Shabbar (a.s.) ka waasta

Mazloom o tashnakaam o jigar khasta e ghareeb

yani Husain (a.s.) kushtao khanjar ka waasta

Qasim  ki Aun o Jafar o Abbas ki qasam

Akbar ka wasta Ali Asghar ka wasta

tha qaid be dawa o ghiza jo azeeze ghum

us aseer Abid e muztar ka wasta

rassi me jo bandha tujhe us haath ki qasam

balwe me jo khula tujhe us sar ka wasta

sadqa unhi labo ka jo be aab kushk the

jo aag se jala tujhe us ghar ka wasta

ruswai o malal o marz se gunah se

sab ko bachana tujh ko bahattar ka wasta

kar mustajab Shaukat nalaan ki ye dua

fariyaad aah Zainab o muztar ka wasta

Bheek lene aae hain - munajat Imam Husain (a.s.)

Ai nabi (s.w.s) waale Ali (a.s.) waale Khuda waale Husain(a.s.)

Bheek lene aae hain hum karbala vaale Husain(a.s.)

Ahle duniya aap ki azmat ko pa skte nahi

sahib e meraj ki aaghosh ke paale Husain (a.s.)

Saaniye Zahra (s.a.) ka sadqa waasta Sajjad (a.s.) ka

Ab khabar lijiye humari Karbala waale Husain (a.s.)

Waasta Abbas (a.s.) ka mashk o alam ka waasta

ab to sun lijiye humare dukh bhare naale Husain(a.s.)

Misle Hur mera bhi daaman e tahi bhar dijiye

ai sakhi ibne sakhi ai mere dil waale Husain (a.s.)

Jaora me aap hi ke dar ka khadim hai muhib

hai nigaah e lutfe laazim Karbala waale Husain (a.s.)

Ya Imame Zamaan (a.t.f.s.) - Munajat

ya imame zamaan (a.s.) aaiye , meri bigdi bana dijiye

Naao manjdhaar me hai meri us ko paar laga dijiye

Ya imame zamaan (a.s.) aaiye , meri bigdi bana dijiye

behal karta hai laakhon salaam , phir adab se ye kehta ghulaam

faiz paata hai har khaaso aam , meri bigdi bana dijiye

Ya imame zamaan (a.s.) aaiye , meri bigdi bana dijiye

mere dil ko hai ek isteraab , ho shifa mujh ko ab dastiyaab

ab to lillah chale aaiye, meri bigdi bana dijiye

Ya imame zamaan (a.s.) aaiye , meri bigdi bana dijiye

ab Muhammad ka hai waasta , aur Haider ka hai waasta 

phir hai zahra ka bhi waasta , meri bigdi bana dijiye

Ya imame zamaan (a.s.) aaiye , meri bigdi bana dijiye

aur Sakina ka hai waasta , pyaase Asghar ka hai waasta 

khune Sarwar ka hai waasta , meri bigdi bana dijiye

Ya imame zamaan (a.s.) aaiye , meri bigdi bana dijiye

aur Abbas (a.s.) ka waasta, bibi Zainab ka bhi waasta 

phir hai Narjis ka bhi waasta, meri bigdi bana dijiye

ya imame zamaan (a.s.) aaiye , meri bigdi bana dijiye

Munh Maangi Muraade -Munajat Hazrat Abbas (a.s.) lyrics

Saqqae Haram ke roze pe,dukh dard ke maare aae hain

Munh maangi muraadein paein ge,daaman ko pasare aae hain

Ai Aqde Kusha ke noore nazar , ai jaane wafa ai rashe qamar

ho jae idhar bhi chashme karam,gardish me sitaare aae hain

Zehra(s.a.) o nabi(s.w.s.) ke sadqe me,Hasnain(a.s.) o Ali(a.s.) ke sadqe me

kuch daal do ab to jholi me,hum dar pe tumhare aae hain

khairaat ata ho Zainab(s.a.) ki,mil jae Sakina(s.a.) ka sadqa 

hai waqt yhi jaan bakhshi ka,hum gor kinare aae hain

Bimari e Abid (a.s.) ka sadqa,bimare alam khai de do shifa

ai fakhre masiha roze pe,bimaar tumhare aae hain

har dil ki tamanna bar aae,har ek ko manzil mil jae

ye aas lga kr dur se hm,ai raaj dulare aae hain

duniya ne hme thukraya hai,duniya ne hme tarpaya hai 

tum do ge hume ye soch ke hm,taqdeer ke maare aae hain

kya de ge hme duniya waale,kya paas hai duniya waalon ke

hum thokarein dar dar ki kha,kr ab dar par tumhare aae hain

ab sun lo muhib ki behre khuda,taqdeer bana do ai aaqa

har kaam hai bigda gardish me, kismat ke sitaare aae hain

Alamdaar (a.s.) aae hain , munajat Hazrat Abbas (a.s.) lyrics

Maula ki Baargaah me gunahgaar aae hain
ummeeddaar bar sare darbaar aae hain

mashhoor hain jahaan me mushkil kushaiyaan
Mushkil kushai kijiye talabgaar aae hain

un pyaare se bachochon ka deti hoon waasta
jin ke liye nehar pe alamdar(a.s.) aae hain

Akbar(a.s.) ka waasta Ali Asghar(a.s.) ka waasta 
jin se laeen bar sare paikaar aae hain

is sher dil jawaan ki jawani ka waasta
nehre furaat pe jo Alamdaar aae hain

daaman gule muraad se bhar dijiye Husain(a.s.)
ye teri baargah hai gunahgaar aae hain

Ya Hazrat e Abbas(a.s.) munajat lyrics

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Ai Sarware Zee jaah Aali teri dargah

Haider ka hai tu maah hai sab ko teri chaah

Ummeed liye shah(a.s.) aaya hu tere paas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Laaya hoon mai fariyaad sun lo meri roodad

Rehta hoon mai naashad ghum se karo aazad

Har tarah khushi a baa jae mujhe raas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Kis se kahu aaqa koi nahi mera

 Mai ghum ka maara hoon koi nahi mera

Ab laut ke dar se jaaun na mai be aas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Ummul banni ke laal hai ye mera sawaal

Ghum se karo bahaal khushiyo se maala maal

Mushkil kusha(a.s.) ki jaan ya hazrate Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Shabbeer ke jaani maula ki nishani

Ai Haider e saani sun lijiye kahani

Milta nahi paani be had hai mujhe pyaas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Karbal ke alamdaar aaya hai gunahgaar]

Tufaan ki chali dhaar kashti karo ab paar

Saae me alam ke rakhna mujhe Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Be rozi ke mai yun kis tarah jiyoon

Qarze me ghira hoon ghum kb talak sahoo

Tum babul hawaaij ho, rozi mile Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Ai nehar ke waali tum sayyade Aali

Aaya hai sawaali jaae na ye khali

Bhra dijiye jholi, ya Hazrat e Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Islaam ki ho shaan imaan ki ho jaan

Tum waarise Quraan , hai ye mera Imaan

 Kya der hai aaqa hai sab tumhare paas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Vo Shabbar(a.s.) o Shabbir(a.s.) aur Akbar(a.s.) o Asghar(a.s.)

Vo Aabid(a.s.) e muztar aur Baqir(a.s.) o Jafar(a.s.)

In sab ka waseela, laaya hoon tere paas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Ya  Sahibe Alam jae kaha pe hum

Shabbir(a.s.)  ki qasam ho mujh pe ab karam

Mushkil ho meri hal ya Hazrat e Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Ho dur teergi mil jae raushni

Behre Taqi(a.s.) Naqi(a.s.) Musa(a.s.) o Askari(a.s.)

Behre Ali Reza(a.s.) ya Hazrate Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

                                 

Vo pyaasi Sakina (s.a) us ka tumhe sadqa

 Zainab(s.a.) ka waseela Laaya hoon maim aula

Sun lo meri maula jaaoon na khali haath

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Le lo mera salaam hoon aap ka ghulaam

Mushkil karo tamaam jeena hua haraam

Ho jald mera kaam kya der hai Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Girton ko sambhalo, marton ko bacha lo

Gardish se nikaalo be kas ko sambhalo

Roze pe bula lo tum Khizr(a.s.) tum iliyas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

Narjis ke laal ka, sadqa ho ab ata

Dil ki hai ye dua ho jld mojiza

Ghar jaaoon shad shad dar se terte Abbas(a.s.)

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas

 Ye haath ho mere daaman ho aap ka

 Lab per hai ye dua dil se hai muddoa

 Duniya me aap ka Baqir na ho udaas

Sun lo meri fariyad Ya Hazrat e Abbas(a.s.)

Ya Hazrat e Abbas(a.s.) toote na meri aas